Ĉi tiu kurso baziĝas sur rakonteto kun bildostrio por ĉiu ĉapitro. Vi povas legi ĝin kiel distraĵon kaj tiel vi verŝajne lernos iom da novaj vortoj. Alia eblo estas ke vi, leginte ĉapitron, provu mem reverki la rakonton en via propra stilo, per helpo de la bildstrio. Nur kiam oni provas mem uzi novan lingvon, oni vere komencas lerni ĝin! Pro tio ni forte rekomendas al vi provi reverki ĉiun ĉapitron de la rakonto laŭ viaj propraj stilo kaj fantazio. Por ĉiu bildo vi havos aliron al listo de uzeblaj vortoj, kiuj povas helpi vin krei frazojn, sed vi ne devas uzi ilin se vi ne volas.

Finfarinte priskribojn por unu ĉapitro / bildostrio, alklaku butonon "Sendu" kaj aperos paĝo kie vi povas kontrollegi kion vi skribis. Post kontrolado kaj eventualaj ŝanĝoj, via teksto sendiĝos al lingvohelpanto kiu rigardos kion vi verkis kaj kontaktos vin kun eventualaj ĝustigoj aŭ komentoj.

Kiam vi estos fininta la tutan kurson, vi havos eblon publikigi vian rakonton por ke ĝi estu legebla por ĉiuj ĉe "Versioj de aliaj".

Якщо ви не розумієте деяке слово, ви можете натиснути на нього і побачити переклад.

Приємного творення!