Se vi ankoraŭ ne konas la verbo-finaĵojn, rigardu ĉi tie. Ankaŭ gravas ke vi sciu pri subjekto kaj objekto. Se vi metas la musmontrilon super la ekzemplojn malsupre, vi vidos tradukon de ili.

Transitivaj (du-ligaj) verboj

Означення Verboj kiuj povas havi objekton.
Приклади: Mi havas fraton. - Ŝi naskis filinon. - Li ludas gitaron.
Пояснення:

• Transitivan verbon oni ankaŭ nomas du-liga verbo pro tio ke ĝi povas havi ligon kaj al subjekto (la aganto) kaj al objekto (trafata de la ago).
• NB: La difino estas "verbo kiu _povas_ havi objekton", sed tio ne signifas ke ĝi ĉiam havas objekton, ekzemple:
  Mi ludos vespere. - Li manĝis.
• La sufikso -iĝ- igas transitivan verbon netransitiva, ekzemple:
  (Ŝi naskis filinon.) - La filino naskiĝis hieraŭ.

Netransitivaj (unu-ligaj) verboj

Означення Verboj kiuj NE povas havi objekton.
Приклади: La arbo falas. - Mi ĝojas pri tio. - Aperis kelkaj problemoj hieraŭ.
Пояснення:

• Netransitivan verbon oni ankaŭ nomas unu-liga verbo pro tio ke ĝi havas ligon nur al subjekto (la aganto), sed ne al objekto.
• La sufikso -ig- igas netransitivan verbon transitiva, ekzemple:
  (La arbo falas.) - Mi faligas la arbon.

Aldona klarigo pri "ligoj"

Pensu pri la frazo "Mi loĝas en domo". Ĉu "loĝi" estas unu-liga (netransitiva) aŭ du-liga (transitiva) verbo? Ĉar "loĝi" ne povas havi objekton temas pri unu-liga verbo. Sed kio pri "domo", ĉu "loĝas" ne ligas al "domo" en frazo "Mi loĝas en domo."? Ne rekte. Kiam oni ligas per prepozicio (ĉi-foje "en"), ne temas pri objekto. Prepozicioj estas kvazaŭ "ligiloj". Pensu pri la frazo "Mi manĝas en domo pomon". En tiu frazo "pomo" ja estas la objekto de "manĝas", sed "manĝas" ne havas propran aŭ rektan ligon al "domo".
Висновок: Se la verbo, krom al la subjekto, povas havi ligon nur per prepozicio, ĝi estas unu-liga.

Pri la sufikso -ig- rilate al verboj

Kiam oni uzas -ig- en verbo, la verbo ekhavas unu ligon pli, ekzemple:

• La arbo falas. (unu ligo) - Mi faligas la arbon. (du ligoj)
• Li kantis novan kanton. (du ligoj) - Ŝi kantigis nin. = Ŝi igis nin kanti kanton. (tri ligoj)

Pri la sufikso -iĝ- rilate al verboj

Kiam oni uzas -iĝ- en verbo, la verbo ekhavas unu ligon malpli, ekzemple:

• Mi renkontis novan amikon. (du ligoj) - Ni renkontiĝis hieraŭ. (unu ligo)
• Min interesas libroj. (du ligoj) - Mi interesiĝas pri libroj. (unu ligo)

Atentigo: La malsupra klarigo estas ĉefe por "perfektiĝantoj". Ne zorgu, se vi ne bone komprenas ĝin.

Pri participoj rilate al -ig-, -iĝ- kaj verboj

La pasivajn participojn (-it-, -at-, -ot-) oni ne povas uzi en netransitiva (unu-liga) verbo, ĉar ili esprimas econ nur de tio, kio estas trafata de la ago (kaj ĉe netransitiva verbo oni havas nur aganton). Ekzemple ne eblas diri "La akvo estas bolita", oni devas diri "La akvo estas boligita".