Kiel ĝuste uzi la rilatajn vortojn?

Пояснення

La korelativaj ki-vortoj estas uzataj ankaŭ kiel rilataj (interrilataj) vortoj. Ili anstataŭas substantivon aŭ pronomon de la ĉeffrazo, aŭ eĉ la tutan ideon de tiu frazo kaj kunligas al tiu ĉeffrazo la subfrazon, kiun ili enkondukas.

Kiu

Ĝi anstataŭas antaŭe esprimitan substantivon aŭ pronomon kaj kutime estas uzata por difinitaj personoj aŭ aĵoj.
Mi vidis knabon, kiu manĝis torton. - Mi vidis knabon, kiu manĝis torton.
Ŝi aĉetis la plej belan robon, kiu estis en la vendejo. - Ŝi aĉetis la plej belan robon, kiu estis en la vendejo.
Kiam kiu rolas kiel objekto en la subfrazo, al ĝi aldoniĝas la finaĵo -n.
La filmo, kiun ni spektis hieraŭ, estis tre interesa. - La filmo, kiun ni spektis hieraŭ, estis tre interesa.
Montru al mi la libron, kiun vi ĵus aĉetis. - Montru al mi la libron, kiun vi ĵus aĉetis.
La finaĵo -j montras pluralon.
Mi vidis knabojn, kiuj manĝis torton. - Mi vidis knabojn, kiuj manĝis torton.
Montru al mi la librojn, kiujn vi ĵus aĉetis. - Montru al mi la librojn, kiujn vi ĵus aĉetis.

Kio

Ĝi estas uzata por anstataŭi la ideon de la ĉeffrazo aŭ por prezenti sendifinan aferon.
Tio, pri kio li parolis, ŝajnis nekredebla. - Tio, pri kio li parolis, ŝajnis nekredebla.
Mi tre bone scias, kio ĝojigas vin. - Mi tre bone scias, kio ĝojigas vin.
Kiam kio rolas kiel objekto en la subfrazo, al ĝi aldoniĝas la finaĵo -n.
Mi faros ĉion, kion mi povos. - Mi faros ĉion, kion mi povos.
Vi rakontis al mi ion, kion mi neniam forgesos. - Vi rakontis al mi ion, kion mi neniam forgesos.

Kies

Ĝi enkondukas subfrazon, kiu montras posedon aŭ apartenon.
Ĉi tien venos kantistoj, kies kantoj estas tre popularaj. - Ĉi tien venos kantistoj, kies kantoj estas tre popularaj.
La knabino, kies haroj estas tre belaj, venis al mia frato. - La knabino, kies haroj estas tre belaj, venis al mia frato.

Kiam

Ĝi enkondukas subfrazon, kiu priskribas tempon.
En tiu tempo, kiam mi manĝis, ŝi televidis. - En tiu tempo, kiam mi manĝis, ŝi televidis.
Kiam mi venis al li, li dormis. - Kiam mi venis al li, li dormis.

Kie

Ĝi enkondukas subfrazon, kiu priskribas lokon.
Mi volis resti tie, kie mi estis. - Mi volis resti tie, kie mi estis.
Apud tiu loko, kie li loĝas, estas granda arbaro. - Apud tiu loko, kie li loĝas, estas granda arbaro.
Kiam oni volas montri direkton, al kie aldoniĝas la finaĵo –n.
En tiu loko, kien mi venis, estis multe da homoj. - En tiu loko, kien mi venis, estis multe da homoj.

Kia

Ĝi enkondukas subfrazon, kiu priskribas econ aŭ kvaliton.
Li estis tia, kia mi volis, ke li estu. - Li estis tia, kia mi volis, ke li estu.
Hodiaŭ ne estas tia bela tago, kia estis hieraŭ. - Hodiaŭ ne estas tia bela tago, kia estis hieraŭ.
Kiam kia rolas kiel objekto en la subfrazo, al ĝi aldoniĝas la finaĵo -n.
Li manĝis tian bongustan viandon, kian li ankoraŭ neniam antaŭe manĝis. - Li manĝis tian bongustan viandon, kian li ankoraŭ neniam antaŭe manĝis.
La finaĵo -j montras pluralon.
Mi aŭskultis tiajn kantojn, kiajn mi kutime neniam aŭskultas. - Mi aŭskultis tiajn kantojn, kiajn mi kutime neniam aŭskultas.

Kiel

Ĝi enkondukas subfrazon, kiu priskribas manieron aŭ gradon.
Neniam estos tiel, kiel estis antaŭe. - Neniam estos tiel, kiel estis antaŭe.
Li volis nin helpi tiel, kiel li povis. - Li volis nin helpi tiel, kiel li povis.

Kiom

Ĝi enkondukas subfrazon, kiu priskribas kvanton aŭ mezuron.
Manĝu tiom multe, kiom vi volas. - Manĝu tiom multe, kiom vi volas.
Mi donis al ili tiom da bombonoj, kiom mi havis. - Mi donis al ili tiom da bombonoj, kiom mi havis.

Kial

Ĝi enkondukas subfrazon, kiu priskribas kaŭzon aŭ motivon.
Unu el la ĉefaj kaŭzoj, kial homoj lernas Esperanton, estas tio, ke ĝi estas facile lernebla. - Unu el la ĉefaj kaŭzoj, kial homoj lernas Esperanton, estas tio, ke ĝi estas facile lernebla.

Вправи

Рівень 1 Рівень 2